AKSHARAM NEWS EDITOR & CHAIRMAN Admin
అక్షరం తెలుగు డైలీ - ప్రాంతీయ వార్తలు / పెద్దపల్లి : పెద్దపల్లి టౌన్ నవంబర్ 21 అక్షరం న్యూస్ ఆర్థిక ఇబ్బందుల్లో ఉన్న ఒక నిరుపేద కుటుంబంలోని ఆడబిడ్డ వివాహానికి లయన్స్ క్లబ్ ఆఫ్ పెద్దపల్లి రంగనాయక సభ్యులు అండగా నిలిచి తమ దాతృత్వాన్ని చాటుకున్నారు.మండలం లోని ముత్తారం గ్రామానికి చెందిన అంకం మాధవి-మల్లయ్య దంపతుల కుమార్తె సౌజన్య వివాహం రాజ్ కుమార్తో నిశ్చయమైంది.పెళ్లి ఖర్చులు, పుస్తెమట్టల కొనుగోలు కోసం ఆ కుటుంబం లయన్స్ క్లబ్ ప్రతినిధులను ఆశ్రయించగా, వారు తక్షణమే స్పందించారు.క్లబ్ సభ్యులందరి సహకారంతో సేకరించిన రూ. 50వేల నగదును శనివారం పెళ్లి కూతురు కుటుంబ సభ్యులకు అందజేశారు.ఈ సందర్భంగా క్లబ్ ప్రతినిధులు మాట్లాడుతూ నిరుపేద కుటుంబాలకు అండగా నిలవడమే తమ సంస్థ ప్రధాన లక్ష్యమని పేర్కొన్నారు. ఈ సేవా కార్యక్రమంలో క్లబ్ అధ్యక్షులు లయన్ లింగాల తిరుపతి రెడ్డి,కార్యదర్శి తాళ్ల మురళీకృష్ణ,కోశాధికారి వీరబోయిన స్వామి,డిసి రూరల్ సర్వీసెస్ సభ్యులు కొమ్ము కరుణాకర్,ఉపాధ్యక్షులు నల్ల మధుకర్ రెడ్డి,పూర్వ అధ్యక్షులు అనుమాండ్ల శ్రీనివాస్ రెడ్డి,సభ్యులు బండి సంపత్,దిడ్డి శ్రీనివాస్,వీరబోయిన శ్రీకాంత్, పులిపాక రవీందర్,మల్లారపు శంకర్,కీర్తి రాయగట్టు తదితరులు పాల్గొన్నారు
.
Aksharam Telugu Daily