బయ్యారంలో జోరుగా పేకాట....? -అప్పులపాలై రోడ్డున పడుతున్న కుటుంబాలు.
పట్టించుకోని అధికారులు.
GOUTHAM REDDY, STATE BUREAU, TELANGANA. Admin
అక్షరం తెలుగు డైలీ - ప్రాంతీయ వార్తలు / తెలంగాణ స్టేట్ బ్యూరో : - బయ్యారం అక్షరం న్యూస్ 02 బయ్యారం మండలం కేంద్రంలో పేకాట జోరుగా సాగుతున్నది.సరదాగా మొదలై..ఆ తర్వాత బానిసై జేబులను గుల్లచేస్తున్నది.పలు కుటుంబాలు రోడ్డున పడుతున్నాయి.యువత పేకాటకు మొదట ఆకర్షితులై వ్యసనంగా మారుతున్నారు.మండల కేంద్ర శివారు ప్రాంతాల్లో పేకాటరాయుళ్లు,గ్రామస్తులకు కనబడకుండా గ్రామశివార్లను అడ్డాగా చేసుకుంటున్నారు.పాలవాగు పరీవాహక ప్రాంతం,పొలాలు,గాజులబోడు ఉన్న ప్రాంతాల్లో పేకాట ఆడుతున్నాట్లు సమాచారం.వేల రూపాయలు చేతులు మారుతున్నాయి.ఆటవద్దే మినీ ఫైనాన్షియర్లు..ఉదయం నుంచి సాయంత్రం 7 గంటల వరకు పేకాట కొనసాగుతున్నది.ఉదయం వేళల్లో పేకాట నిర్వాహకులు రెక్కీ నిర్వహించి ఏ ప్రాంతం అయితే ఆటకు ఇబ్బంది ఉండదో,ఏ ప్రాంతంలో ఆట పెడితే పేకాటరాయుళ్లు వస్తారో అక్కడ అడ్డాలు ఏర్పాటు చేస్తున్నారు.పేకాడే స్థలానికి కొద్ది దూరంలో నిఘా ఉంచుతారు.పేకాడుతుండగా డబ్బులు పోయిన వారికి మినీ ఫైనాన్షియర్లు అప్పులు ఇస్తున్నారని,రూ. 10 వేలు ఇస్తే తర్వాత రూ. 11 వేలు ఇవ్వాల్సి ఉంటుందని ఒప్పందం చేసుకుంటున్నారని తెలుస్తున్నది.మండల కేంద్రానికి చెందిన ప్రముఖ వ్యక్తులతో ఆట కొనసాగిస్తున్నట్లు సమాచారం..పేకాటతో ఎన్నో కుటుంబాలు రోడ్డున పడుతున్నాయి.యువకులు అప్పుల బారిన పడుతున్నారు.పేకాట ఆడే వారి సంఖ్య రోజురోజుకూ పెరుగుతున్నదని,పోలీసులు ప్రత్యేక నిఘా పెట్టి అడ్డుకట్ట వేయాలని ప్రజలు కోరుతున్నారు.
.
.jpg)
7893003409
Editor : sk. Yakub pasha 7893003409
Aksharam Telugu Daily
మరిన్ని వార్తలు
2.jpg)
Developed By :
