పర్యావరణానికి పెద్దపీట మట్టి గణనాథుడి నిమజ్జనం బజరంగ్ దళ్ ఆధ్వర్యంలో మండపం వద్ద గంగమ్మ ఒడికి గణపయ్య
.
AKSHARAM NEWS EDITOR & CHAIRMAN Admin
అక్షరం తెలుగు డైలీ - ప్రాంతీయ వార్తలు / పెద్దపల్లి : పెద్దపల్లి టౌన్ సెప్టెంబర్ 25 అక్షరం న్యూస్ పర్యావరణ పరిరక్షణే ధ్యేయంగా పెద్దపల్లి జిల్లా కేంద్రంలో ఏర్పాటు చేసిన భారీ మట్టి వినాయకుడి నిమజ్జన వేడుక అత్యంత వైభవంగా మరియు వినూత్నంగా జరిగింది. ఏటా జలవనరులు కలుషితం కాకుండా ఉండేందుకు స్థానిక నిర్వాహకులు, భక్తులు తీసుకున్న ఈ నిర్ణయం పట్టణ ప్రజలను విశేషంగా ఆకట్టుకుంది. పెద్దపల్లి పట్టణంలోని తెనుగువాడలో బజరంగ్ దళ్ ఆధ్వర్యంలో భారీ మట్టి గణపతిని ఏర్పాటు చేయడం జరిగింది 10 రోజులపాటు గణపతికి భక్తిశ్రద్ధలతో పూజలు అందుకున్న గణపయ్య నిమజ్జనం చేశారు మండపం వద్దే గంగమ్మ ఒడికి.. సాధారణంగా భారీ విగ్రహాలను చెరువులు లేదా బావుల్లో నిమజ్జనం చేయడం ఆనవాయితీ. అయితే, పెద్దపల్లిలో ఏర్పాటు చేసిన ఈ భారీ మట్టి గణపతిని పర్యావరణానికి ఎటువంటి హాని కలగకుండా ఉండేందుకు వాటర్ ట్యాంకర్ సహాయంతో నిమజ్జనం చేశారు. నిరంతరాయంగా నీటిని చిలకరిస్తూ మట్టి విగ్రహాన్ని క్రమంగా కరిగించారు. వినాయకుడి నిమజ్జన ప్రక్రియను వీక్షించేందుకు స్థానిక భక్తులు భారీ సంఖ్యలో తరలివచ్చారు. "గణపతి బప్పా మోరియా.. మళ్లీ ఏడు త్వరగా రా.." అంటూ భక్తులు చేసిన జయజయధ్వానాల మధ్య నిమజ్జన వేడుక ముగిసింది. ఆదర్శంగా నిలిచిన బజరంగ్ దళ్ నిర్వాహకులు రసాయన రంగులు, ప్లాస్టర్ ఆఫ్ ప్యారిస్ విగ్రహాల వల్ల నీరు కలుషితం అవుతున్న నేపథ్యంలో, మట్టి వినాయకుడిని ప్రతిష్టించి, దానిని వాటర్ ట్యాంకర్ సాయంతో మండపం వద్దే కరిగించి నిర్వాహకులు సరికొత్త ఆదర్శాన్ని చాటారు. ఈ వినూత్న నిమజ్జన ప్రక్రియపై అటు అధికారులు, ఇటు పర్యావరణ ప్రేమికులు హర్షం వ్యక్తం చేస్తున్నారు. ప్రతి ఒక్కరూ ఇదే బాటలో పర్యావరణ హిత వేడుకలను ప్రోత్సహించాలని పిలుపునిచ్చారు బజరంగ్ దళ్ నిర్వాహకులు.
.
.jpg)
7893003409
Editor : sk. Yakub pasha 7893003409
Aksharam Telugu Daily
మరిన్ని వార్తలు
.jpg)
2.jpg)
Developed By :
