టీఆర్ఎస్ జెండా పండుగ బాధ్యుడిగా కొమురయ్య యాదవ్
.
AKSHARAM NEWS EDITOR & CHAIRMAN Admin
అక్షరం తెలుగు డైలీ - ప్రాంతీయ వార్తలు / పెద్దపల్లి : పెద్దపల్లి టౌన్ మే 21 అక్షరం న్యూస్ తెలంగాణ రక్షణ సేన (టీఆర్ఎస్) పార్టీ ప్రతిష్టాత్మకంగా చేపట్టిన జెండా పండుగ వేడుకల్లో భాగంగా పెద్దపల్లి జిల్లా ఇన్ఛార్జ్గా సలేంద్ర కొమురయ్య యాదవ్ నియమితులయ్యారు.పార్టీ అధినేత్రి కల్వకుంట్ల కవిత ఆదేశాల మేరకు రాష్ట్రవ్యాప్తంగా మే 20 నుండి జూన్ 20 వరకు నెల రోజుల పాటు ప్రతి గ్రామంలో పార్టీ జెండా ఆవిష్కరణ వేడుకలను ఘనంగా నిర్వహించేందుకు అధిష్టానం ఈ నియామకం చేపట్టింది.ఈ క్రమంలోనే రాష్ట్రంలోని 33 జిల్లాలతో పాటు 119 శాసనసభ నియోజకవర్గాలకు రాష్ట్ర,జిల్లా స్థాయి పర్యవేక్షకులను,బాధ్యులను పార్టీ అధ్యక్షురాలు కల్వకుంట్ల కవిత నియమించగా,పెద్దపల్లి జిల్లా బాధ్యతలను సలేంద్ర కొమురయ్యకు అప్పగించారు.తనపై ఎంతో నమ్మకంతో ఈ కీలక బాధ్యతను అప్పగించిన పార్టీ వ్యవస్థాపక అధ్యక్షురాలు కల్వకుంట్ల కవితకు,తనకు సహకరించిన పార్టీ పెద్దలకు,నాయకులకు సలేంద్ర కొమురయ్య యాదవ్ ప్రత్యేక కృతజ్ఞతలు తెలియజేశారు.తనకు ఇచ్చిన బాధ్యతలను పూర్తి శ్రద్ధతో నిర్వహిస్తూ,జిల్లాలోని పార్టీ నాయకులను,ఉద్యమకారులను కలుపుకొని సమన్వయంతో ముందుకు సాగుతానని ఆయన స్పష్టం చేశారు.ప్రతి గ్రామంలో పార్టీ జెండా గద్దెలను విజయవంతంగా నిర్వహిస్తూ,జిల్లాలో తెలంగాణ రక్షణ సేన బలోపేతానికి శాయశక్తులా కృషి చేస్తానని కొమురయ్య యాదవ్ ధీమా వ్యక్తం చేశారు
.
.jpg)
7893003409
Editor : sk. Yakub pasha 7893003409
Aksharam Telugu Daily
మరిన్ని వార్తలు
2.jpg)
Developed By :
