నిధుల దుర్వినియోగంపై విచారణ చేయాలి. రాఘవపూర్‌ సర్పంచ్‌ పై చర్యలు తీసుకోవాలి. ప్రజావాణిలో అదనపు కలెక్టర్‌కు గ్రామస్థుల ఫిర్యాదు.

.

AKSHARAM NEWS EDITOR & CHAIRMAN

Admin

Date : 28 September 2026 05:41 PM Views : 32

అక్షరం తెలుగు డైలీ - ప్రాంతీయ వార్తలు / పెద్దపల్లి : పెద్దపల్లి టౌన్ సెప్టెంబర్ 28 అక్షరం న్యూస్ పెద్దపల్లి మండలం రాఘవపూర్‌ గ్రామపంచాయతీలో నిధుల దుర్వినియోగం జరిగిందని ఆరోపిస్తూ పలువురు గ్రామస్థులు విచారణకు డిమాండ్‌ చేశారు. పంచాయతీ నిధులను నిబంధనలకు విరుద్ధంగా మళ్లించి అక్రమాలకు పాల్పడ్డారని ఆరోపిస్తూ సోమవారం ప్రజావాణిలో అదనపు కలెక్టర్‌ బి. శ్రీరాములుకు ఆధారాలతో ఫిర్యాదు చేసినట్లు గ్రామస్థులు తెలిపారు. గ్రామపంచాయతీకి వివిధ రూపాల్లో వచ్చిన నిధులను నిబంధనల ప్రకారం వినియోగించకుండా దారిమళ్లించారని ఫిర్యాదులో పేర్కొన్నారు. పంచాయతీ నిధుల వినియోగంపై సమగ్రంగా విచారణ చేపట్టి వాస్తవాలను నిగ్గుతేల్చాలని కోరారు. నిధుల దుర్వినియోగానికి పాల్పడినట్లు తేలితే సంబంధిత సర్పంచ్‌ తాడిశెట్టి చామంతి, ఉప సర్పంచ్ కొడపత్రి వినోద్, పంచాయితీ కార్యదర్శితో పాటు బాధ్యులపై కఠిన చర్యలు తీసుకోవాలని డిమాండ్‌ చేశారు. నిధులు రికవరీ చేయాలి. పంచాయతీ నిధుల దుర్వినియోగంతో గ్రామ అభివృద్ధికి విఘాతం కలిగిందని గ్రామస్థులు పేర్కొన్నారు. అక్రమాలకు పాల్పడిన వారిని విధుల నుంచి తొలగించడంతోపాటు దుర్వినియోగమైన మొత్తాన్ని పూర్తిగా రికవరీ చేయాలని అదనపు కలెక్టర్‌ను కోరారు. ఫిర్యాదుపై అధికారులు సమగ్ర విచారణ జరిపి బాధ్యులపై చర్యలు తీసుకోకపోతే పంచాయతీరాజ్‌ ఉన్నతాధికారుల దృష్టికి సమస్యను తీసుకెళ్తామని కుమ్మరి తిరుమల్‌, మోలుమూరి వంశీ, కుమ్మరి సదయ్య, కుమ్మరి నిరంజన్‌, కుమ్మరి సది, శ్రవణ్‌ తెలిపారు

.

లోకల్ యాడ్స్

మరిన్ని వార్తలు