వరదలు కలిపిన కలయిక... తెలంగాణ రాజకీయాల్లో అరుదైన సీన్.. ఒకరికొకరు ఎదురుపడ్డ బండి సంజయ్, కేటీఆర్.. ఆప్యాయంగా పలకరింపు

.

GUNNALA PARSHARAMULU, MUSTABAD MANDAL, RAJANNA SIRCILLA

Reporter

Date : 28 August 2025 05:35 PM Views : 904

అక్షరం తెలుగు డైలీ - ప్రాంతీయ వార్తలు / రాజన్న సిరిసిల్ల / ముస్తాబాద్ : రాజన్న సిరిసిల్ల /ముస్తాబాద్ /ఆగస్ట్ 28(అక్షరం న్యూస్ ) వరుస వర్షాలతో అతలాకుతలమైన సిరిసిల్ల జిల్లాలో అరుదైన దృశ్యం కనిపించింది. సాధారణంగా ఒకరిపై ఒకరు విమర్శలు చేసుకునే బీజేపీ నేత, కేంద్ర మంత్రి బండి సంజయ్ మరియు బీఆర్ఎస్ నాయకుడు కేటీఆర్ ఎదురుపడ్డారు. గంభీరావుపేట వద్ద వరదల్లో చిక్కుకున్న రైతులను రక్షించే కార్యక్రమం తర్వాత ఈ ఇద్దరు నాయకులు ఒకరినొకరు కలుసుకున్నారు. వారు కరచాలనం చేసుకొని, నవ్వుతూ కొద్దిసేపు మాట్లాడుకున్నారు. ఈ సంఘటన స్థానిక ప్రజలను, ఇరువురు నాయకుల అనుచరులను ఆశ్చర్యపరిచింది.సాధారణంగా బండి సంజయ్, కేటీఆర్‌ల మధ్య మాటల యుద్ధం తీవ్రంగా సాగుతుంటుంది. బండి సంజయ్, బీఆర్ఎస్ పాలనపై అవినీతి ఆరోపణలు చేస్తూ తీవ్రంగా దాడి చేస్తారు. కేటీఆర్ అయితే... బీజేపీపై “విఫలమైన పాలన” అంటూ తరచూ ప్రతిస్పందిస్తారు. ఈ మాటల యుద్ధం కారణంగా వీరిద్దరి మధ్య విరోధం బహిరంగంగానే కొనసాగుతోంది. అయితే వరదల కష్టకాలంలో ప్రజలతో పాటు నిలబడేందుకు వచ్చినప్పుడు వారు కలిసిన ఈ క్షణం అందరికీ కొత్త అనుభూతిని కలిగించింది. ఒకరిపై ఒకరు రాజకీయంగా విమర్శలు చేసే ఈ ఇద్దరు నేతలు వరదల ముందు రాజకీయాలను పక్కకు పెట్టి కలిసిన తీరు ఒక ప్రత్యేక దృశ్యంగా నిలిచింది

.

లోకల్ యాడ్స్

మరిన్ని వార్తలు