D SITHA RAMULU, KHAMMAM ...Reporter
అక్షరం తెలుగు డైలీ - ప్రాంతీయ వార్తలు / ఖమ్మం జిల్లా : ఖమ్మం/ వైరా టౌన్ నవంబర్ 16 (అక్షరం న్యూస్) ప్రస్తుతం ఎల్ నినో ప్రభావం ఉన్నందున రైతులు వరి, మొక్కజొన్న పంటలను సాగు చేయవద్దని వైరా మండల వ్యవసాయ శాఖ అధికారి మయాంకు మంజు ఖాన్, నీటిపారుదల శాఖ ఎగ్జిక్యూటివ్ డిప్యూటీ ఇంజనీర్ వల్లపు నాగబ్రహ్మం సూచించారు. సోమవారం వారు విలేకరులతో మాట్లాడుతూ రైతులు అందరూ ఎలినినో ప్రభావం దృష్టిలో ఉంచుకొని నీటి వసతి లేని చోట ప్రాజెక్టు కాలువ పై ఆధారపడి ఎట్టి పరిస్థితులను కూడా యాసంగిలో వరి, మొక్కజొన్న పంటలు సాగు చేయకూడదని తెలియజేశారు. ఎలినినో ప్రభావం వల్ల నీటి వసతి వర్షాభావలు తక్కువ ఉంటాయి కాబట్టి నీటిని తక్కువగా ఉపయోగించుకొని పండే పంటలు పెసర, మినుము కుసుమలు మొదలగు తక్కువ నీటిని ఉపయోగించుకొనే పంటలు మాత్రమే సాగు చేయాలని రైతులకు అవగాహన కల్పించారు. ఈ కార్యక్రమంలో వ్యవసాయ విస్తరణ అధికారులు పరిటాల వెంకట నరసయ్య, మేడా రాజేష్, లక్కిరెడ్డి ప్రభాకర్ రెడ్డి, ఆత్మ డైరెక్టర్ గడిపూడి రామకృష్ణ, ఐలూరు కృష్ణారెడ్డి బిల్లా నరసింహారావు, కోట ఆదాం, మహంకాళి కృష్ణమోహన్ రైతులు పాల్గొన్నారు.
.
Aksharam Telugu Daily