ప్రజల్లో చెరగని ముద్ర వేసుకున్న అక్షరం దినపత్రిక – పెద్దపల్లి జిల్లా కలెక్టర్ కోయ శ్రీ హర్ష – 2026 అక్షరం దినపత్రిక క్యాలెండర్‌ను ఆవిష్కరించిన కలెక్టర

.

DOMMATI RAJESH, PEDDAPALLI, TELANGANA.

Reporter

Date : 12 January 2026 03:47 PM Views : 338

అక్షరం తెలుగు డైలీ - ప్రాంతీయ వార్తలు / పెద్దపల్లి : పెద్దపల్లి ప్రతినిధి | డిసెంబర్ 12 | అక్షరం న్యూస్ : నిత్యం వినూత్న కథనాలు, ప్రజాసమస్యలపై నిర్మాణాత్మక వార్తలతో అక్షరం దినపత్రిక ప్రజల హృదయాల్లో చెరగని ముద్ర వేసుకుందని పెద్దపల్లి జిల్లా కలెక్టర్ కోయ శ్రీ హర్ష పేర్కొన్నారు. సమాజంలో జరుగుతున్న ప్రతి అంశాన్ని నిజాయితీగా ప్రతిబింబిస్తూ, ప్రజల గొంతుకగా అక్షరం దినపత్రిక నిలుస్తోందని ఆయన ప్రశంసించారు. సోమవారం అక్షరం దినపత్రిక ఆధ్వర్యంలో రూపొందించిన 2026 ఆంగ్ల సంవత్సర క్యాలెండర్‌ను జిల్లా కలెక్టర్ ఘనంగా ఆవిష్కరించారు. ఈ సందర్భంగా ఆయన మాట్లాడుతూ, పత్రికలు కేవలం వార్తలు మాత్రమే కాకుండా ప్రజల్లో చైతన్యం నింపే సాధనాలుగా మారాలని, ఆ దిశగా అక్షరం దినపత్రిక సమర్థవంతంగా పని చేస్తోందని అన్నారు. ప్రజల సమస్యలను బాధ్యతాయుతంగా వెలుగులోకి తీసుకువచ్చి, పాలనకు – ప్రజలకు మధ్య వారధిగా పనిచేస్తున్న పత్రికగా అక్షరం గుర్తింపు పొందిందని తెలిపారు. అక్షరం దినపత్రిక రూపొందించిన 2026 క్యాలెండర్‌లో ప్రజలకు ఉపయోగపడే ప్రభుత్వ సెలవులు, జాతీయ–రాష్ట్ర ప్రాధాన్యత గల దినోత్సవాలు, ముఖ్య తేదీలు సమగ్రంగా పొందుపరిచినట్లు తెలిపారు. ఈ క్యాలెండర్ ప్రజల దైనందిన జీవితంలో మార్గదర్శకంగా నిలుస్తుందని కలెక్టర్ అభిప్రాయపడ్డారు. ఈ కార్యక్రమంలో పెద్దపల్లి అక్షరం ప్రతినిధి దొమ్మటి రాజేష్, సీనియర్ పాత్రికేయులు సోమకుమార్, పని సుదర్శన్, నూనె శ్రీనివాస్ తో పాటు పలువురు పాత్రికేయులు, అక్షరం అభిమానులు పాల్గొన్నారు. కలెక్టర్ చేతుల మీదుగా క్యాలెండర్ ఆవిష్కరణ జరగడం అక్షరం దినపత్రికకు మరింత గౌరవం, ప్రోత్సాహంగా నిలిచిందని వారు పేర్కొన్నారు.

.

లోకల్ యాడ్స్

మరిన్ని వార్తలు