పోటా పోటీగా ఇద్దరు కాంగ్రెస్ నేతల నామినేషన్లు..
ఇద్దరిలో కాంగ్రెస్ బీఫామ్ ఎవరికి..? ఉత్కంఠను రేపుతున్న కరీంనగర్ ఎంపీ స్థానం అయోమయంలో కాంగ్రెస్ కార్యకర్తలు
అక్షరం తెలుగు డైలీ - ప్రాంతీయ వార్తలు / హన్మకొండ/భీమదేవరపల్లి : హనుమకొండ/భీమదేవరపల్లి/ఏప్రిల్ 24 (అక్షరం న్యూస్): కరీంనగర్ కాంగ్రెస్ ఎంపీ అభ్యర్థి అల్గిరెడ్డి ప్రవీణ్ రెడ్డి బుధ‌వారం నామినేషన్ దాఖలు చేశారు. ఈ మేర‌కు ఎన్నికల రిట‌ర్నింగ్ అధికారికి ప్రవీణ్ రెడ్డి నామినేషన్ ప‌త్రాల‌ను అంద‌జేశారు. ఈ కార్య‌క్ర‌మంలో భీమదేవరపల్లి మండలానికి చెందిన అల్గిరెడ్డి అనుచ‌రులు పాల్గొన్నారు. ఇక కాంగ్రెస్ త‌ర‌పున కరీంనగర్ ఎంపీ స్థానానికి వెలిచాల రాజేందర్ రావు రెండు రోజుల క్రితం నామినేషన్ దాఖలు చేసిన సంగ‌తి తెలిసిందే. కాంగ్రెస్ అధిష్టానం టికెట్ ఇంకా ఖరారు చేయకున్నా కరీంనగర్ ఎంపీ అభ్యర్థులుగా నామినేషన్ వేసిన వెలిచాల రాజేందర్ రావు, అల్గిరెడ్డి ప్రవీణ్ రెడ్డి. ఈ ప‌రిణామాల నేపథ్యంలో కాంగ్రెస్ శ్రేణులు అయోమ‌యానికి గుర‌వుతున్నారు. కరీంనగర్ ఎంపీ స్థానానికి పోటీ చేయ‌బోయే అస‌లైన అభ్యర్థి ఎవ‌రనేది తెలియ‌క త‌ల‌లు ప‌ట్టుకుంటున్నారు. కరీంనగర్ ఎంపీ సీటు ఎవరు నెగ్గించుకుంటార‌నేది చ‌ర్చ‌నీయాంశ‌మైంది. కాంగ్రెస్ అధిష్టానం బీఫామ్ ను ఎవరికి కేటాయిస్తుందో వేచి చూడాల్సిందే.
.
7893003409
Editor : sk. Yakub pasha 7893003409
Aksharam Telugu Daily
మరిన్ని వార్తలు
Developed By :
