అక్షరం తెలుగు డైలీ - ప్రాంతీయ వార్తలు / పెద్దపల్లి జిల్లా/ సుల్తానాబాద్ : . - సుల్తానాబాద్,(పెద్దపల్లి జిల్లా), ఎప్రిల్ 8, అక్షరం న్యూస్. ఇఫ్తార్ విందులు సోదర భావాన్ని పెంపొందిస్తాయని పెద్దపల్లి ఎమ్మెల్యే చింతకుంట విజయరమణ రావు అన్నారు. ఆదివారం మండల కేంద్రంలోని పద్మనాయక కళ్యాణ మండపంలో ముస్లిం సోదరులకు ఆత్మీయ ఇఫ్తార్ విందును అందించారు. ఈ సందర్భంగా మాట్లాడుతూ ప్రతి సంవత్సరం పవిత్ర రంజాన్ మాసంలో ముస్లిం సోదరులు లోక కళ్యానార్థం అత్యంత భక్తి శ్రద్దలతో నెల రోజులు ఉపవాసం పాటిస్తరని సమాజంలో ప్రజలందరూ సుఖ సంతోషాలతో ఆయురారోగ్యాలతో ఉండాలని వేడుకుంటారని తెలిపారు.నెలరోజుల ఉపవాస దీక్షలో అనేక సత్ప్రయోజనాలు కలుగుతాయని పేర్కొన్నారు ఈ సందర్భంగా ముస్లిం కుటుంబాలకు రంజాన్ శుభాకాంక్షలు తెలిపారు. అనంతరం ముస్లిం సోదరులతో కలిసి ఇఫ్తార్ విందులో పాల్గొన్నారు. ఇఫ్తార్ కు హాజరైన ఎమ్మెల్యేను ముస్లిం మతపెద్దలు ఘనంగా సన్మానించారు. ఈ కార్యక్రమంలో ముస్లిం మత పెద్దలు,నాయకులు మినుపాల ప్రకాశ్ రావు,చిలుక సతీష్, దామోదర్ రావు,అన్నయ్య గౌడ్. స్పోర్ట్స్ క్లబ్ అధ్యక్షులు ముత్యాల రవీందర్.అమిరి శెట్టి తిరుపతి, పట్టణ కౌన్సిలర్లు, మైనారిటీ నాయకులు, కాంగ్రెస్ నాయకులు, కార్యకర్తలు తదితరులు పాల్గొన్నారు.
.
Aksharam Telugu Daily