అక్షరం తెలుగు డైలీ - ప్రాంతీయ వార్తలు / ఖమ్మం జిల్లా : ఖమ్మం/ వైరా మార్చి 29 (అక్షరంన్యూస్) వైరా గ్రేట్ విజన్ క్లబ్ ఆధ్వర్యంలో అధ్యక్షురాలు ఉండ్రు వరలక్ష్మి చేతులమీదుగా గుడ్ ఫ్రైడే సందర్భంగా క్రైస్తవ సోదరులకు శుక్రవారం వైరాలో మజ్జిగ ప్యాకెట్లను పంపిణీ చేశారు. వైరా లయన్స్ క్లబ్, గ్రేట్ విజన్ క్లబ్ ఆధ్వర్యంలో ఉపవాసాలు ఉన్న క్రైస్తవ సోదరులకు, పిల్లలకు వీటిని పంపిణీ చేశారు. ఈ సందర్భంగా ఆమె మాట్లాడుతూ యేసు క్రీస్తు మానవాళి మనుగడ కోసం తన ప్రాణాలను సైతం పణంగా పెట్టారని గుర్తు చేశారు. ప్రతి ఒక్కరితో ప్రేమ, కరుణ, దయ చూపించాలనే ఉద్దేశంతో ఆయన అనేక బాధలను అనుభవించాడని, క్రైస్తవ సోదరులు కూడా 40 రోజులు పాటు ఉపవాసాలు ఉండి కార్యక్రమాలు చేయటం త్యాగానికి ప్రతీక అన్నారు. ఈ కార్యక్రమంలో క్లబ్ జిఎంటి కోఆర్డినేటర్ ఉండ్రు శ్యాంబాబు, రీజినల్ చైర్ పర్సన్ లగడపాటి ప్రభాకర్ రావు, గ్రేట్ విజన్ క్లబ్ సభ్యులు కొరకుప్పుల దివ్య, లగడపాటి లక్ష్మీరాజ్యం, గంగవరపు కిషన్, డాక్టర్ రవిచంద్ర, ఉయ్యూరు రామకృష్ణ, గోపి, తదితరులు పాల్గొన్నారు.
.
Aksharam Telugu Daily