Reporter
అక్షరం తెలుగు డైలీ - ప్రాంతీయ వార్తలు / ఖమ్మం జిల్లా : ఖమ్మం/తల్లాడ సెప్టెంబర్ 11 (అక్షరంన్యూస్) ఎడతెరిపి లేకుండా కురుస్తున్న భారీ వర్షానికి తల్లాడ రింగురోడ్డులో వర్షపు నీరు డ్రైనేజీ నుండి రోడ్డుపై పారుతున్నప్పటికీ తల్లాడ మండల అధికారులు చర్యలు తీసుకోవడం లేదు. నిత్యం వేలాదిగా వాహనాలు వస్తుండటంతో పాటు స్థానికులు ఆ రోడ్డుపై వెళ్లాలంటే ఇబ్బందులు పడుతున్నారు. మండలానికి ప్రధాన కేంద్రంగా ఉన్న రింగ్ రోడ్డు లోనే ఈ దుస్థితి నెలకొంది. ఈ రోడ్డుపై నిత్యం మంత్రులు, జిల్లా ఉన్నతాధికారులు వస్తున్నప్పటికీ మండల అధికారుల్లో మాత్రం చలనం శూన్యం. .. ఇకనైనా జిల్లా అధికారులు స్పందించి ఆ నీటిని తొలగించే విధంగా చర్యలు తీసుకోవాలని వాహనదారులు, ప్రజలు అధికారులను కోరుతున్నారు.
.
Aksharam Telugu Daily