Reporter
అక్షరం తెలుగు డైలీ - ప్రాంతీయ వార్తలు / ఖమ్మం జిల్లా : ఖమ్మం/తల్లాడ జూలై 25 (అక్షరంన్యూస్) అపరిచిత వ్యక్తులు ట్రాన్స్ఫార్మర్ల వద్ద కనిపిస్తే వెంటనే తమకు కానీ, పోలీసులు కానీ రైతులు సమాచారం అందించాలని విద్యుత్ శాఖ తల్లాడ ఏఈ రాజేష్ తెలిపారు. మంగళవారం అర్ధరాత్రి సమయంలో నారాయణపురం మెయిన్ రోడ్డులో శ్రీ వెంకటేశ్వర బ్రిక్స్ ఇండస్ట్రీ కు ఎదురుగా ఉన్న వ్యవసాయ పొలంలో రెడ్డెం శ్రీనివాసరెడ్డి పొలంలో ఉన్నటువంటి 25 కెవిఎ ట్రాన్స్పార్మర్ లోని కాపర్ వైర్, ఆయిల్ ను గుర్తు తెలియని వ్యక్తులు చోరీ చేశారని తెలిపారు. దాని విలువ సుమారు రూ.30,760 ఉంటుందన్నారు. దీంతో పంట పొలా లకు విద్యుత్ సరఫరా నిలిచిపోతుందని రైతులు చాలా ఇబ్బంది పడతారు, ఈ విషయమై పోలీసులకు ఫిర్యాదు చేసినట్లు తెలిపారు. రైతులు కూడా అప్రమత్తంగా ఉండాలని, అలాగే అపరిచిత వ్యక్తులు ఎవరైనా ట్రాన్స్ఫార్మర్ వద్ద కనిపించిన యెడల సమాచారం అందించాలని కోరారు.
.
Aksharam Telugu Daily