Reporter
అక్షరం తెలుగు డైలీ - ప్రాంతీయ వార్తలు / ఖమ్మం జిల్లా : .. ఖమ్మం/ తల్లాడ జూలై 24 (అక్షరంన్యూస్) తల్లాడ బస్టాండ్ ప్రాంగణంలో ఆర్టీసీ అధికారులు తాత్కాలిక మరమ్మతులు చేపట్టారు. తల్లాడ బస్టాండ్ అధ్వానంగా మారిందని ఇటీవల అక్షరం న్యూస్ దినపత్రికలో ఓ కథనం ప్రచురితమైన విషయం తెలిసిందే. ఈ నేపథ్యంలో ఈ వార్తకు స్పందించిన ఆర్టీసీ అధికారులు తల్లాడ బస్టాండ్ ప్రాంగణానికి మరమ్మతులు చేసేందుకు సిద్ధమయ్యారు. ప్రాంగణంలో గుంతల పడటంతో వాటిని మట్టి పోసి పూడ్చారు. అదేవిధంగా వర్షానికి కురిసిన నీరు బయటికి వెళ్లే విధంగా చుట్టూ సైడ్ కాలువ తీయించారు. ఈ సందర్భంగా ఖమ్మం ఇంజనీర్ సెక్షన్ ఆఫీసర్ షేక్. రహీం ఆధ్వర్యంలో పనులు వేగవంతంగా కొనసాగుతున్నాయి. ఈ సందర్భంగా ఆయన మాట్లాడుతూ వర్షాలు తెరపిచ్చిన తర్వాత గుంతల్లో సీసీ రోడ్డు పోస్తామని తెలిపారు. అదేవిధంగా డ్రైన్ కూడా వచ్చే విధంగా ప్రభుత్వ పెద్దల దృష్టికి తీసుకెళ్తానని తెలిపారు. బస్టాండ్ లోకి ప్రయాణికులు రావడం కోసం ఇబ్బందులు పడుతున్నారని కాంగ్రెస్ పార్టీ పట్టణ అధ్యక్షులు, నీలాద్రి ఆలయ డైరెక్టర్ దగ్గుల నాగిరెడ్డి పలు సమస్యలను ఆర్టీసీ అధికారుల దృష్టికి తీసుకెళ్లాడు. బస్టాండ్ వెనుక ప్రాంతంలో శివాలయం నుండి వచ్చే ప్రజలు బస్టాండ్ లోకి రావాలంటే ఇబ్బందులు పడుతున్నారని, ప్రహరీ గోడ వద్ద పెద్ద గుంత ఉండటంతో ద్విచక్ర వాహనాలు, ప్రజలు వెళ్లేందుకు ఇబ్బందులు పడుతున్నారని తెలిపారు. దీనికి స్పందించిన ఆర్టీసీ అధికారులు వాటిని కూడా మరమ్మతులు చేస్తామని ఈ సందర్భంగా తెలిపారు. ఈ కార్యక్రమంలో నాయకులు ధూపాటి నాగరాజు, కందికొండ నర్సిరెడ్డి, రాము, వెంకటేష్, తదితరులు ఉన్నారు.
.
Aksharam Telugu Daily