Reporter
అక్షరం తెలుగు డైలీ - ప్రాంతీయ వార్తలు / భద్రాద్రి కొత్తగూడెం జిల్లా : హేమచంద్రాపురం నందు గల జిల్లా పోలీస్ హెడ్ క్వార్టర్స్ లో నూతనంగా ఏర్పాటు చేసిన కాన్ఫరెన్స్ హాలు, ఓపెన్ జిమ్ ను ఎస్పీ రోహిత్ రాజు బుధవారం ప్రారంభించారు. ప్రారంభోత్సవాల సందర్బంగా ఏర్పాటు చేసిన పూజా కార్యక్రమంలో ఎస్పీ పాల్గొన్నారు. జిల్లాలోని పోలీసు అధికారులు, సిబ్బంది వివిధ సందర్భాలలో సమావేశమయ్యేందుకు వీలుగా కాన్ఫెరెన్స్ హాలును ఏర్పాటు చేయడం జరిగిందని ఎస్పీ ఈ సందర్బంగా తెలియజేసారు. జిల్లా ఆర్మడ్ రిజర్వ్ విభాగానికి చెందిన అధికారులు, సిబ్బందికి వ్యాయామం చేసుకునేందుకు వీలుగా ఓపెన్ జిమ్ ను ఏర్పాటు చేయడం జరిగిందని తెలిపారు. అనంతరం ఈ కార్యక్రమంలో పాల్గొన్న అధికారులు, సిబ్బంది యొక్క సమస్యలు తెలుసుకుని వాటి పరిష్కారానికి కృషి చేస్తామని తెలిపారు. జిల్లాలోని పోలీసు అధికారులు, సిబ్బంది సంక్షేమం కోసం ఎల్లవేళలా కృషి చేస్తామని ఈ సందర్బంగా తెలియజేసారు. అనంతరం నిర్మాణంలో ఉన్న పోలీసు అధికారుల విశ్రాంత భవనాన్ని పరిశీలించి అధికారులకు కొన్ని సూచనలు చేశారు. ఈ కార్యక్రమంలో డీసిఆర్బీ డిఎస్పీ మల్లయ్యస్వామి,ఎస్బి ఇన్స్పెక్టర్స్ నాగరాజు, శ్రీనివాస్, సీఐలు వెంకటేశ్వర్లు, కరుణాకర్,రమేష్,శివ ప్రసాద్,సత్యనారాయణ,నాగరాజు రెడ్డి,జితేందర్,ఆర్ఐలు సుధాకర్,నరసింహారావు, కృష్ణారావు,లాల్ బాబు, పోలీసు అధికారుల సంఘం అధ్యక్షుడు శ్రీనివాసరావు, ఎస్సైలు,సిబ్బంది పాల్గొన్నారు.
-
Aksharam Telugu Daily