Reporter
అక్షరం తెలుగు డైలీ - ప్రాంతీయ వార్తలు / ఖమ్మం జిల్లా : ఖమ్మం/తల్లాడ జూలై 21 (అక్షరంన్యూస్) సమస్యల వలయంలో తల్లాడ బస్టాండ్ కూరుకుపోయింది. పైకి మంచిగానే కనిపిస్తున్న లోపల మొత్తం సమస్యలు తీష్ట వేసింది. బస్టాండు ప్రాంగణం చుట్టూ పిచ్చి మొక్కలతో దర్శనమిస్తుంది. వర్షం వస్తే ప్రాంగణం చుట్టూ నీరు ఉండటమే కాకుండా గుంతలు ఉండటంతో ప్రయాణికులు అవస్థలు పడుతున్నారు. అదేవిధంగా మరుగుదొడ్లు కూడా సరిగా పనిచేయటం లేదు. మరుగుదొడ్లలో నీరు ఉన్నప్పటికీ సెప్టిక్ ట్యాంక్ బావి సరిగా లేకపోవడంతో ప్రయాణికుల బాధలు వర్ణనాతీతం. బస్టాండ్ ప్రాంగణంలో గతంలో స్కూటర్ స్టాండ్ ఉండేది. ప్రస్తుతం అది లేకపోవడంతో ప్రయాణికులు తమ వాహనాలను ఎక్కడపడితే అక్కడ పెడుతున్నారు. దీంతో బస్సులు వెళ్లాలంటే వాహనాలతో ఇబ్బందికరంగా మారింది. ఆర్టీసీ అధికారులు ఈ ఏర్పాట్లు చేయడంలో నిర్లక్ష్యం వహిస్తున్నారని ప్రజలు పేర్కొంటున్నారు. బస్టాండ్ లో మినరల్ వాటర్ ఏసీ ఫ్రిడ్జ్ ఉన్నప్పటికీ వాటిలో మినరల్ వాటర్ పోయకుండా సాధారణ తాగునీరు వాటర్ పోస్తున్నారని ప్రయాణికులు ఆరోపిస్తున్నారు. పైకి ఫ్రిడ్జ్ మంచిగానే కనిపిస్తున్నప్పటికీ లోపల సాధారణ తాగునీరు పోయడంతో అనారోగ్యానికి గురవుతున్నారని ప్రయాణికులు తెలుపుతున్నారు. ఇప్పటికైనా ఈ బస్టాండ్ కు మరమ్మత్తులు చేయాలని ప్రయాణికులు ముక్త కంఠంతో కోరుతున్నారు.
Aksharam Telugu Daily