Admin
అక్షరం తెలుగు డైలీ - ప్రాంతీయ వార్తలు / ఖమ్మం జిల్లా : తల్లాడలో ప్రధాన రహదారుల వెంట వర్షపు నీరు.. ఖమ్మం/తల్లాడ జూలై 16 (అక్షరంన్యూస్) వేలకు వేలకు వేలు జీతాలు తీసుకుంటూ ప్రజలకు ప్రభుత్వ పథకాలను, వారి సమస్యలను పరిష్కరించాల్సిన అధికారులు తూతూమంత్రంగా విధులు నిర్వహిస్తూ కార్యాలయ గదులకే పరిమితం అవుతున్నారు. ప్రభుత్వాలు గ్రామాల్లో మెరుగైన వాతావరణ, పరిశుభ్రత కోసం లక్షలాది రూపాయలు వెచ్చిస్తున్నప్పటికీ వాటిని అమలు చేయడంలో అధికారులు నిర్లక్ష్యం వహిస్తున్నారు. పారిశుద్ధ్య పరిశుభ్రత కోసం ప్రత్యేక ట్రాక్టర్లు, గ్రామపంచాయతీ సిబ్బంది, మిగతా వర్కర్లు ఉన్నప్పటికీ గ్రామాల్లో ఎక్కడ చెత్త అక్కడే దర్శనమిస్తుంది. వర్షాలు కురుస్తుండటంతో ఎక్కడ నీరు అక్కడే నిలిచి దోమలు, ఈగలు స్వైర వ్యవహారం చేస్తున్నాయి. ఇటువల్ల ప్రజలు డెంగ్యూ మలేరియా చికెన్ గున్యా లాంటి వ్యాధులు బారిన పడిన సంఘటనలో అనేకు ఉన్నాయి. సీజనల్ వ్యాధుల పట్ల అవగాహన కల్పించాల్సిన అధికారులు వారి కార్యాలయాలకే పరిమితమై ప్రజలకు సమాధానం కూడా చెప్పలేని దుస్థితి నెలకొంది. పాగింగు, బ్లీచింగ్ చల్లి దోమల నివారణకు చర్యలు తీసుకోవాల్సిందిపోయి వాటిని పట్టించుకోకుండా నిమ్మక నేరెత్తినట్లుగా వ్యవహరిస్తున్నారు. తెలంగాణ రాష్ట్ర ప్రభుత్వం ప్రస్తుతం వర్షాకాలం సీజన్ కావడంతో సీజనల్ వ్యాధులు సోకే ప్రమాదం ఉన్నందునా మంత్రులు, ఎమ్మెల్యే ప్రజలకు వీటిపై అవగాహన కల్పించాలని ఆదేశాలు జారీ చేస్తున్నప్పటికీ వారి ఆదేశాలను కూడా ఖతారు చేయకుండా వ్యవహరిస్తున్నారని ప్రజలు ఆరోపిస్తున్నారు. ఇప్పటికైనా జిల్లా, మండల అధికారులు తీరు మార్చుకొని ప్రజలకు మెరుగైన సేవలు అందించాలని ప్రజలు కోరుతున్నారు.
.
Aksharam Telugu Daily