అస్తవ్యస్తంగా వెంకటరాముని తండా గ్రామం..
వర్షం వస్తే మురికి నీటితో ఇబ్బందులు పడుతున్న గ్రామస్తులు.. సమస్యను పరిష్కరించాలని తండావాసులు వేడుకోలు..
D SITHA RAMULU, KHAMMAM ...Reporter
అక్షరం తెలుగు డైలీ - ప్రాంతీయ వార్తలు / ఖమ్మం జిల్లా : ఖమ్మం/ తల్లాడ జూలై 20 (అక్షరంన్యూస్) తల్లాడ మండలంలోని వెంగన్నపేట గ్రామం పంచాయతీ పరిధిలో వెంకటరాముడుతండా అస్తవ్యస్తంగా తయారయింది. గ్రామంలో సిసి రోడ్లు వేసినప్పటికీ వర్షపు నీరు నిల్వ ఉండటంతో గ్రామస్తులు అవస్థలు పడుతున్నారు. గ్రామంలో సైడ్ కాలవల్లో మురికినీరు వెళ్లేందుకు సౌకర్యం లేకపోవడంతో సిసి రోడ్లపైనే ఆగిపోతున్నాయి. దీంతో సిసి రోడ్లన్నీ మురికి నీటితో దర్శనమిస్తున్నాయి. ప్రజలు ఇళ్లల్లో వాడుకున్న నీటితో పాటు వర్షపు నీరు సైతం వెళ్ళే పరిస్థితి లేకపోవడంతో సిసి రోడ్లపైనే ఆగిపోతున్నాయి. దీంతో గ్రామస్తులు పలు ఇబ్బందులు పడుతున్నారు. గత కొన్ని సంవత్సరాల నుండి ఇదే దుస్థితి నెలకొన్నప్పటికీ మారుమూల గ్రామం కావడంతో పట్టించుకునే వారే కరువయ్యారు. మండల అధికారులు అటువైపు వచ్చిన దాఖలాలు లేవని ప్రజలు ఆరోపిస్తున్నారు. తండాలో నిత్యం గిరిజనులు అధికంగా ఉండటంతో ఈ సమస్య మరింత జటిలంగా మారింది. అసలే సీజనల్ వ్యాధులు కాలం కావడంతో దోమలు వృద్ధి చెంది రోగాలు బారిన పడే అవకాశం మెండుగా ఉంది. అదేవిధంగా వ్యాధులు సోకే అవకాశం ఉండటంతో మురికి నీటిని తొలగించే మార్గాలు చేయాలని గ్రామస్తులు పేర్కొంటున్నారు. ఇప్పటికైనా మండల అధికారులు ఆ గ్రామాన్ని పరిశీలించి సమస్యను పరిష్కరించాలని తండావాసులు వేడుకుంటున్నారు.
.
7893003409
Editor : sk. Yakub pasha 7893003409
Aksharam Telugu Daily
మరిన్ని వార్తలు
.jpeg)
.jpeg)
Developed By :
