Reporter
అక్షరం తెలుగు డైలీ - ప్రాంతీయ వార్తలు / రాజన్న సిరిసిల్ల / ముస్తాబాద్ : రాజన్న సిరిసిల్ల /ముస్తాబాద్ /జులై -19(అక్షరం న్యూస్ ) బంగాళాఖాతంలో ఏర్పడిన అల్పపీడన ప్రభావంతో రాజన్న సిరిసిల్ల జిల్లా వ్యాప్తంగా ముసురేసింది. శుక్రవారం రాత్రి నుంచి శనివారం కూడా ఎడతెరపి లేకుండా వర్షం కురుస్తూనే ఉంది. ఈ సీజన్లో ఈ స్థాయిలో వర్షం పడటం ఇదే కావడంతో ప్రజలు, రైతులు ఆనందం వ్యక్తం చేశారు. రానున్న రెండు రోజులు వర్షాలు కురుస్తాయని వాతావరణ శాఖ వెల్లడించింది.ఉదయం నుంచి వర్షపు జల్లులు కురిశాయి. ఉదయం నుంచి దఫ దఫాలుగా వాన కురిసింది. కొన్ని మండలాల్లో ఒక మోస్తరు వర్షాలు కురిసి పొలాల్లో నీరు చేరుతుండడంతో రైతులు పొలం పనులకు సన్నద్ధమవుతున్నారు.ఎడతెరిపి లేకుండా వర్షం కురుస్తుండడంలో అనేక మంది తమ ప్రయాణాలను వాయిదా వేసుకున్నారు. కొన్ని వ్యాపార సంస్థలను కూడా తెరవకపోవడంతో వాటికి సంబంధించిన సిబ్బంది ఇళ్లకే పరిమితమయ్యారు. అత్యవసరమైన వారు తప్ప ఎవరూ ప్రయాణించేందుకు ఆసక్తి చూపలేదు. దూర ప్రాంతాలకు వెళ్లాల్సిన వారిలో చాలామంది తమ ప్రయాణాలను తాత్కాలికంగా వాయిదా వేసుకున్నారు వర్షాభావ పరిస్థితులు నెలకొన్న నేపథ్యంలో అధికారులు అప్రమత్తంగా ఉండాలని కలెక్టర్ ఆదేశాలు జారీ చేశారు రానున్న రెండు,మూడు రోజుల్లో భారీ వర్షాలు కురిసే అవ కాశం ఉన్నందున అధికారులు అప్రమత్తంగా ఉంటూ అవసర మైన రక్షణ చర్యలు చేపట్టాల న్నారు. విద్యుత్ స్తంభాలు, భారీ వృక్షాలు పడిపోవడం, రహదారు లు, వంతెనలు దెబ్బతినడంతో రాకపోకలకు ఇబ్బం దులు ఏర్పడడం, ఇతరతా సమస్యలపై ఉన్న తాధికారుల ఆధ్వర్యంలో చర్యలు చేపట్టాలని సూచించారు మరో వైపు జిల్లాలో ఎడతెరపి లేకుండా కురుస్తున్న భారీ వర్షాలతో ప్రజలకు ఎలాంటి ప్రమాదాలు తలెత్తకుండా పోలీస్ శాఖ పరంగా తగిన జాగ్రత్తలు, ఏర్పాట్లు ముందస్తుగా చర్యలు చేపట్టాలని జిల్లా ఎస్పీ అఖిల్ మహాజన్ అధికారులను ఆదేశించారు.వర్షాల దృష్ట్యా 24 గంటలు, పెట్రో, బ్లూ కల్ట్స్ సిబ్బందితో గస్తీ నిర్వహిస్తూ ప్రజలను అప్రమత్తం చేయాలని, వాగులు, చెరువులు, అలుగుల వద్దకు పిల్లలను, చేపల వేటకు వెళ్లనివ్వకుండా జాగ్రత్తలు పాటించాలని ఆయన తెలిపారు. విద్యుత్ స్థంబాలు, తడిసిన గోడలు, ఇంటి కప్పు రేకులకు దూరంగా ఉండాలని ఆయన సూచించారు.గ్రామాల్లో, పట్టణాలలోని ప్రజలు గుడిసెలు, శిథిలావస్థలో ఉన్న పాత ఇండ్లలో ఉన్న నివాసస్థులు అప్రమత్తంగా ఉండాలని, వర్షాలు తగ్గేవరకు మరోచోట ఉంటే క్షేమమని తెలిపారు. అత్యవసర సమయాలలో 100 కు సమాచారం అందిస్తే తక్షణ సహాయక రక్షణ చర్యలను చేపడతామని ఎస్పీ తెలిపారు.
.
Aksharam Telugu Daily