Reporter
అక్షరం తెలుగు డైలీ - ప్రాంతీయ వార్తలు / రాజన్న సిరిసిల్ల / ముస్తాబాద్ : . రాజన్న సిరిసిల్ల /ముస్తాబాద్ /జులై -11(అక్షరం న్యూస్ ) కరీంనగర్ పార్లమెంట్ సభ్యులు కేంద్ర హోం శాఖ సహాయ మంత్రి బండి సంజయ్ కుమార్ జన్మదిన పురస్కరించుకొని ముస్తాబాద్ బీజేపీ మండల కార్యదర్శి బాధ నరేష్ సిరిసిల్లలోని ప్రభుత్వ ఆసుపత్రిలో రక్తదానం చేసి తన అభిమానాన్ని చాటుకున్నారు. ఈ సందర్బంగా నరేష్ మాట్లాడుతూ ఏదో ఒకచోట రక్తం సరైన సమయానికి అందక అనేకమంది ఇబ్బందులు పడుతూ ప్రాణాలు కోల్పోతున్నారని విచారం వ్యక్తం చేశారు. కావున 18 సంవత్సరాల నుండి ఆరోగ్యంగా ఉన్న ప్రతి ఒక్కరూ 3 నెలలకు ఒకసారి రక్తదానం చేయాలని పిలుపునిచ్చారు . ప్రాణాపాయంలో ఉన్నవారిని కాపాడేందుకు రక్తం అవసరాన్ని ప్రతి ఒక్కరూ గుర్తుంచుకోవాలన్నారు ముఖ్యంగా రోడ్డు ప్రమాదాలు, ఇతర అనుకోని సంఘటనలలో ప్రమాదాల బారిన పడినవారిని కాపాడేందుకు ఇలా రక్తదానం చేయడం ఉపయోగపడుతుందన్నారు. సామాజిక మాధ్యమాల్లో ‘ఇది కదా అసలైన అభిమానం… వీరు కదా నిజమైన కార్యకర్త ’ అంటూ నెటి జన్లు ప్రశంసలు కురిపిస్తున్నారు
.
Aksharam Telugu Daily