ఉద్యోగులపై కీలక అప్డేట్ ? వివరాలు సేకరణ పూర్తి!

తెలంగాణలో కాంట్రాక్టు, ఔట్ సోర్సింగ్‍ ఉద్యోగాలపై కీలక అప్‌డేట్.. వివరాలు సేకరణ.. , ఔట్ సోర్సింగ్ వ్యవస్థల్లోని అక్రమాలను అరికట్టేందుకు ప్రభుత్వం ఉద్యోగుల వివరాలను ఆధార్‌తో అనుసంధానం చేసింది. ఈ ప్రక్రియలో సుమారు 15 వేల మంది నకిలీ ఉద్యోగులు ఉన్నట్లు ఆర్థిక శాఖ గుర్తించింది. పని చేయకుండానే జీతాలు పొందుతున్న వీరిని తొలగించడం ద్వారా ప్రభుత్వ ఖజానాకు పెద్ద ఎత్తున నిధులు ఆదా కానున్నాయి. మరోవైపు 2026-27 బడ్జెట్ కసరత్తు మొదలైందని.. రియల్ ఎస్టేట్‌లో 12 శాతం, మైనింగ్‌లో 22 శాతం ఆదాయ వృద్ధి నమోదైందని ఆర్థిక

AKSHARAM NEWS EDITOR & CHAIRMAN

Admin

అక్షరం తెలుగు డైలీ - రాష్ట్రీయం / హైదరాబాద్ : . . అక్షరం ప్రతినిధి హైదరాబాద్ అక్రమాలను అరికట్టి.. పారదర్శకత పెంచడమే లక్ష్యంగా ప్రభుత్వం ముందుకు సాగుతోంది. తెలంగాణ రాష్ట్రంలో కాంట్రాక్టు, ఔట్ సోర్సింగ్ ఉద్యోగుల వ్యవస్థలో జరుగుతున్న అక్రమాలకు అడ్డుకట్ట వేసేందుకు ప్రభుత్వం కఠిన చర్యలు చేపట్టింది. ప్రభుత్వ శాఖల్లో పనిచేస్తున్న సిబ్బంది వివరాలను ఆధార్ కార్డుతో అనుసంధానం చేయడంతో విస్తుపోయే నిజాలు వెలుగులోకి వచ్చాయి. ఈ ప్రక్రియ ద్వారా రాష్ట్రవ్యాప్తంగా సుమారు 15 వేల మంది నకిలీ ఉద్యోగులు ఉన్నట్లు ఆర్థిక శాఖ ప్రాథమికంగా గుర్తించింది. ఈ మేరకు ఆర్థిక శాఖ ప్రిన్సిపల్ సెక్రటరీ సందీప్ కుమార్ సుల్తానియా వెల్లడించిన వివరాలు ఇప్పుడు రాష్ట్రంలో చర్చనీయాంశంగా మారాయి తెలంగాణలో కాంట్రాక్టు, ఔట్ సోర్సింగ్‍ ఉద్యోగులు.. కీలక అప్‌డేట్ గత కొంతకాలంగా కొన్ని ఏజెన్సీలు, మరికొందరు అవినీతి అధికారుల అండదండలతో పని చేయని వ్యక్తుల పేర్ల మీద కూడా జీతాలు డ్రా చేస్తున్నట్లు ప్రభుత్వం దృష్టికి వచ్చింది. ఈ 'డూప్లికేట్' ఉద్యోగుల వల్ల ప్రతి నెలా కోట్లాది రూపాయల ప్రభుత్వ ధనం దుర్వినియోగం అవుతోంది. దీనిని అరికట్టేందుకు ప్రతి ఉద్యోగి వివరాలను ఆధార్‌తో అనుసంధానించాలని సర్కార్ ఆదేశించింది. ఈ తనిఖీలు పూర్తి కావడంతో దాదాపు 15 వేల మంది ఉద్యోగుల వివరాల్లో పొంతన లేదని.. వారు కేవలం కాగితాల మీద మాత్రమే ఉన్నారని తేలింది. వీరిని తొలగించడం ద్వారా వచ్చే ఆర్థిక సంవత్సరంలో ప్రభుత్వానికి పెద్ద మొత్తంలో నిధులు ఆదా కానున్నాయి. వచ్చే ఆర్థిక సంవత్సరం (2026-27) బడ్జెట్ రూపకల్పనపై ఆర్థిక శాఖ ఇప్పటికే కసరత్తు ప్రారంభించింది. రాష్ట్రానికి వచ్చే ఆదాయ వనరులపై నిర్వహించిన సమీక్షలో ఆసక్తికర విషయాలు వెల్లడయ్యాయి. గత రెండు నెలలుగా రియల్ ఎస్టేట్ రంగం పుంజుకోవడంతో రిజిస్ట్రేషన్ల ద్వారా వచ్చే ఆదాయంలో 12 శాతం వృద్ధి నమోదైంది. అలాగే మైనింగ్ రంగంలో లీకేజీలను అరికట్టడం వల్ల అక్కడ ఏకంగా 22 శాతం వృద్ధి కనిపించింది. ఎక్సైజ్ శాఖ ద్వారా వచ్చే ఆదాయం కూడా గత తొమ్మిది నెలలుగా స్థిరంగా కొనసాగుతోంది. కేంద్ర బడ్జెట్ కేటాయింపులను కూడా పరిగణనలోకి తీసుకుని.. కేంద్ర పథకాలను రాష్ట్రంలో పూర్తిస్థాయిలో అమలు చేసేలా ప్రణాళికలు సిద్ధం చేస్తున్నారు. నకిలీ ఉద్యోగుల ఏరివేత ద్వారా వ్యవస్థలో పారదర్శకత పెరుగుతుందని ప్రభుత్వం భావిస్తోంది. అక్రమాలకు పాల్పడుతున్న ఏజెన్సీల పని పట్టడమే లక్ష్యంగా ఈ తనిఖీలు సాగాయి. రాబోయే బడ్జెట్‌లో ప్రజా సంక్షేమ పథకాలకు పెద్ద పీట వేస్తూనే.. అనవసర ఖర్చులను తగ్గించుకోవాలని ఆర్థిక శాఖ భావిస్తోంది. రియల్ ఎస్టేట్, మైనింగ్ రంగాల నుంచి వస్తున్న అదనపు ఆదాయం రాష్ట్ర అభివృద్ధి పనులకు ఊతమివ్వనుంది !

.

లోకల్ యాడ్స్