27,000 తగ్గిన బంగారం ధర..?

బంగారం ధర అకస్మాత్తుగా రూ.27,000 తగ్గింది…? కారణాలు తెలిస్తే బంగారం ప్రియులు సంతోషిస్తారు.

P SUDHARSHAN, MANDAL REPORTER, ODELA, PEDDAPALLI.

Reporter

అక్షరం తెలుగు డైలీ - సిల్వర్ స్క్రిన్ / పెద్దపల్లి/ఓదెల : ఓదెల పెద్దపల్లి 17 అక్షరం ప్రతినిధి.... బంగారం ధర నేడు భారీగా తగ్గింది. బంగారం ధరలు ఇలా ఉన్నాయి 24 క్యారెట్ల 10 గ్రాముల బంగారం ధర రూ. 95800 పలుకుతోంది. 22 క్యారెట్ల 10 గ్రాముల బంగారం ధర 88140 రూపాయలు పలుకుతోంది. ప్రస్తుతం మార్కెట్లో వెండి ధరలు ఒక కేజీ వెండి ధర 98500 రూపాయలు పలుకుతోంది. బంగారం ధరలు గడచిన మూడు రోజులుగా తగ్గుతున్నాయి. పసిడిప్రియలకు తగుతున్న బంగారం ధరలు ఊరట కలిగిస్తున్నాయి. బంగారం ధరలు అంతర్జాతీయ మార్కెట్లలో గమనించినట్లయితే భారీగా తగ్గుదలను గమనించవచ్చు. ప్రస్తుతం ఒక ట్రాయ్ ఔన్స్ (31.2 గ్రాములు) బంగారం ధర 3180 డాలర్ల వద్ద పలుకుతోంది. గతంలో ఇది 3500 డాలర్ల వద్ద ఆల్ టైం గరిష్ట స్థాయిని నమోదు చేసింది.అంటే దాదాపు 320 డాలర్లు తగ్గింది. మన కరెన్సీలో పోల్చి చూసినట్లయితే బంగారం ధర దాదాపు 27 వేల రూపాయలు తగ్గినట్లు గమనించవచ్చు. బంగారం ధరలు భారీగా తగ్గడానికి ప్రధానంగా అమెరికా చైనా మధ్య కుదిరిన టారిఫ్ తగ్గింపు ఒప్పందం ఒక ప్రధాన కారణంగా చెప్పవచ్చు. ఈ నిర్ణయంతో ప్రపంచవ్యాప్తంగా స్టాక్ మార్కెట్లను కూడా లాభాల్లో ప్రయాణిస్తున్నాయి. అలాగే డాలర్ విలువ కూడా పెరిగింది. ఫలితంగా బంగారం ధరలు భారీగా తగ్గడం ప్రారంభించాయి. బంగారం ధరలు తగ్గుతున్న వేళ పసిడి మార్కెట్లో ఇన్వెస్టర్లు తమ పెట్టుబడులను ఉపసంహరించుకొని స్టాక్ మార్కెట్లో పెడుతున్నారు దీంతో బంగారానికి డిమాండ్ తగ్గి ధరలు తగ్గుతున్నాయి అని నిపుణులు అంచనా వేస్తున్నారు. అయితే ప్రస్తుతం ఫ్యూచర్స్ మార్కెట్లో బంగారం ధరలు భారీగా తగ్గినప్పటికీ, రిటైల్ మార్కెట్లో మాత్రం 10 గ్రాముల బంగారం ధర 95 వేల రూపాయల సమీపంలో ట్రేడ్ అవుతోంది. నిజానికి ఫ్యూచర్స్ మార్కెట్ ప్రకారం గమనించినట్లయితే బంగారం ధర దాదాపు రూ. 90 వేల రూపాయల వరకు పతనం అయింది. కానీ అది రిటైల్ మార్కెట్లో తగ్గడానికి కాస్త సమయం పడుతుందని నిపుణులు అంచనా వేస్తున్నారు. గమనిక.... పై కథనం సమాచారం కోసం మాత్రమే , ఏ విధంగానూ పెట్టుబడి లేదా వ్యాపార సలహాగా భావించకూడదు. స్టాక్ మార్కెట్లు, మ్యూచువల్ ఫండ్స్, క్రిప్టో కరెన్సీ, ఇతర పెట్టుబడి సాధనాలు లాభనష్టాలతో కూడుకున్నవి. మీరు చేసే వ్యాపారాలు, సర్టిఫైడ్ ఆర్థిక సలహాదారులను సంప్రదించమని సలహా ఇస్తుంది.

.

లోకల్ యాడ్స్