Admin
అక్షరం తెలుగు డైలీ - ప్రాంతీయ వార్తలు / పెద్దపల్లి : -పెద్దపల్లి అసిస్టెంట్ పోలీస్ కమిషనర్ గజ్జి కృష్ణ -ఏసిపి కార్యాలయంలో అక్షరం 2025 క్యాలెండర్ ఆవిష్కరణ పెద్దపల్లి ప్రతినిధి జనవరి 7 అక్షరం న్యూస్; రోజురోజుకు వినూత్న రీతిలో ఆకర్షణీయంగా తీర్చిదిద్దుతున్న అక్షరం దిన పత్రిక అందరినీ ఆకట్టుకుంటుందని పెద్దపల్లి అసిస్టెంట్ పోలీస్ కమిషనర్ గజ్జి కృష్ణ పేర్కొన్నారు. ప్రజా సమస్యలు ప్రతిబింబిస్తూనే, మరోవైపు అధికారుల సేవలను గుర్తిస్తూ వారిని కీర్తిస్తూ చక్కని కథనాలు అక్షరం దినపత్రికలో అక్షర రూపం ఇస్తున్నారని ఆయన ప్రశంసించారు. పెద్దపల్లి ఏసిపి కార్యాలయంలో మంగళవారం మధ్యాహ్నం అక్షరం దినపత్రిక రూపొందించిన 2025 ఆంగ్ల నూతన సంవత్సర క్యాలెండర్ ను ఆయన ఆవిష్కరించారు. ఈ సందర్భంగా ఆయన మాట్లాడుతూ సోషల్ మీడియా వచ్చిన తర్వాత మీడియా ప్రభావం తగ్గిన కూడా "అక్షరం"దినపత్రిక తన గుర్తింపును కొనసాగిస్తుందని ఆయన అన్నారు. అక్షర దిన పత్రిక యాజమాన్యం రూపొందించిన 2025 నూతన సంవత్సర క్యాలెండర్ ఆకర్షణీయంగా ఉందని కితాబ్ ఇచ్చారు. నిరంతరం ప్రజా సమస్యలపై తన అక్షరాలతో ప్రజా పక్షంగా పోరాడుతున్న అక్షరం పత్రికను ఆయన అభినందించారు. ఈ కార్యక్రమంలో యాదవ సంఘం జిల్లా అధ్యక్షుడు పెగడ రమేష్ యాదవ్, అక్షరం దినపత్రిక పెద్దపల్లి ప్రతినిధి దొమ్మటి రాజేష్, విలేకరులు చిందం కిరణ్ నూనె శ్రీనివాస్ రమేష్ తదితరులు పాల్గొన్నారు.
.
Aksharam Telugu Daily