Reporter
అక్షరం తెలుగు డైలీ - జాతీయ వార్తలు / మహబూబాబాద్/గార్ల : మహబూబాబాద్ /గార్ల /జులై 20/అక్షరం న్యూస్... గార్ల పాకాల చెక్ డ్యాం ఎత్తు పెంపు ఎన్నికల హామీ గానే మిగిలిపోయిందని, ఎత్తు పెంచుతామని ఎన్నికల ముందు రాజకీయ నేతలు ఇస్తున్న హామీలు, చేస్తున్న వాగ్దానాలు అమలుకు నోచుకోవడం లేదని, ప్రతి సంవత్సరం వర్షాకాలంలో వరద ఉధృతి పెరిగిపోయినప్పుడల్లా ప్రజలకు రాకపోకలు నిలిచిపోతున్నాయి అని గార్ల మండల వైస్ ఎంపీపీ మరియు సిపిఐ రాష్ట్ర సమితి నాయకులు కట్టేబోయిన శ్రీనివాస్ ఆవేదన వ్యక్తం చేశారు. మహబూబాబాద్ జిల్లా, గార్ల మండలం, రాంపురం పరిధిలోని పాకాల చెక్ డ్యాం ను పరిశీలించిన అనంతరం కట్టేబోయిన శ్రీనివాస్ మాట్లాడుతూ, భారీ వర్షాల సమయంలో రాంపురం, మద్దివంచ గ్రామపంచాయతీ పరిధిలోని రాంపురం, కొత్త తండ, పులిగుట్ట తండ, మద్దివంచ మరియు డోర్నకల్ మండల పరిధిలోని అనుసంధాన గ్రామాలకు రాకపోకలు నిలిచిపోతున్నాయని అన్నారు. అత్యవసర పనుల కొరకు గార్ల మండల కేంద్రానికి రావాలంటే బయ్యారం మండలం, డోర్నకల్ మండలాల మీదుగా సూదురా ప్రాంతాల గుండా అనేక రకాలుగా ఇబ్బందులు పడుతూ రావాల్సి వస్తుందన్నారు. పాకాల చెక్ డ్యాం ఎత్తు పెంపుదల ఆచరణకు నోచుకోవడం లేదన్నారు. గత భారస ప్రభుత్వం పదేళ్లపాటు ఈ ప్రాంత ప్రజలను దగా చేసిందన్నారు. నాటి మంత్రి ఎర్రబెల్లి దయాకర్ రావు చేసిన వాగ్దానాలు ప్రకటనలకే పరిమితం అయిందన్నారు.వ్యవసాయ సీజన్ లో ప్రజలు వివిధ పనులకు గార్ల రావాలంటే పాకాల చెక్ డ్యాం మీదుగా ప్రయాణం చేయాలంటే ప్రాణాలను అరచేతిలో పెట్టుకొని వెళ్ళవలసిన పరిస్థితి ఏర్పడుతుందని అన్నారు. పాకాల చెక్ డ్యాం పై భారీ వాహనాలు వెళితే చెక్ డ్యాం రెండోభాగం కుప్పకులే ప్రమాదం ఉందన్నారు. స్థానిక ఎమ్మెల్యే కోరం కనకయ్య చొరవ తీసుకోని, తక్షణమే పాకాల హైలెవల్ వంతెన నిర్మాణం పనులు ప్రారంభించేలా చర్యలు తీసుకోవాలని కోరారు.
.
Aksharam Telugu Daily